කෙසෙල්ගමු ඔයේ දිය නෑමට ගොස් අතුරුදහන්ව සිටි පාසල් සිසුවාගේ සිරුර අද (05) දහවල් සොයාගෙන තිබෙනවා.
එම ඔයේ සිල්වර් වළේ ගැඹුරු ස්ථානයක තිබී සිසුවාගේ මළ සිරුර සොයාගත් බවයි නෝර්වුඩ් පොලීසිය සඳහන් කළේ.
කෙසෙල්ගමු ඔයේ දිය නෑමට ගොස් මෙලෙස අතුරුදන්ව සිටියේ නෝර්වුඩ් වත්තේ පදිංචි නෝර්වුඩ් අයර්බි දමිළ මහ විද්යාලයේ 11 වසරේ අධ්යාපනය ලබමින් සිටි සිසුවෙක්.
මෙම සිසුවා ඊයේ (04) පස්වරුවේ ඔහුගේ මිතුරන් පිරිසක් සමඟ කාසල්රි ජලාශයට ප්රධාන වශයෙන් ජලය ගලා බසිනා කෙසෙලගමු ඔයේ සිල්වර් වළේ දිය නාමින් සිටිය දී දියේ ගිලී අතුරුදහන්ව තිබුණා.
සිසුවා දියේ ගිලුණු ස්ථානය ගැඹුරු ස්ථානයක් බැවින්, අතුරුදහන් වූ සිසුවාගේ සිරුර සොයන මෙහෙයුම් සඳහා ශ්රී ලංකා නාවික හමුදාව එක්ව ද එක්ව සිටියා.
ඒ අනුව අද (05) දවල් නාවික හමුදා කිමිඳුම් කණ්ඩායම් විසින් ගොඩගත් සිසුවාගේ සිරුර පශ්චාත් මරණ පරීක්ෂණය සදහා දික්ඔය මූලික රෝහලේ විශේෂඥ අධිකරණ වෛද්යවරයා වෙත යොමු කිරීමට නියමිතයි.
