ශ්රී ලංකා ක්රිකට් ක්රීඩක දිනේෂ් චන්දිමාල් මෑතකදී පැවති යෝග්යතා පරීක්ෂණයකින් අසමත් වූ බවට පළ වූ මාධ්ය වාර්තා ප්රතික්ෂේප කරමින් එම වාර්තාව පිළිබඳව අප්රසාදය පළකර තිබෙනවා.
සිය නිල ෆේස්බුක් ගිණුමේ විශේෂ සටහනක් තබමිනුයි චන්දිමාල් මේ බව පවසා ඇත්තේ.
නිසි සත්යාපනයකින් තොරව එවැනි වාර්තා ප්රකාශයට පත් කිරීම රට නියෝජනය කරන ක්රීඩකයන්ට අනවශ්ය පීඩනයක්, මානසික ආතතියක් සහ චිත්තවේගීය පීඩනයක් ඇති කරන්නක් බවයි චන්දිමාල් පවසන්නේ.
චන්දිමාල් එහි වැඩිදුරටත් සඳහන් කර ඇත්තේ, තමා අවශ්ය යෝග්යතා පරීක්ෂණය සාර්ථකව සමත් වී ඇති අතර, අදාළ බලධාරීන්ගෙන් ඒ සම්බන්ධ නිල තහවුරු කිරීමක් ලැබී ඇති බවයි.
එම තොරතුරු ප්රසිද්ධියේ ප්රකාශයට පත් කිරීමේ අවශ්යතාවයක් තමන්ට දැනෙන්නේ නැති බවත්, කණ්ඩායම් කළමනාකාරිත්වය සහ තමා ඒ පිළිබඳව දැනුවත් වීම ප්රමාණවත් බවයි ඔහු වැඩිදුරටත් පවසන්නේ.
මාධ්ය ආචාර ධර්මවල වැදගත්කම ද චන්දිමාල් මෙම නිවේදනය මඟින් අවධාරණය කළ අතර, සත්යාපනය නොකළ වාර්තාකරණය ක්රීඩකයකුගේ වෘත්තීය ජීවිතයට, කීර්ති නාමයට සහ අනාගතයට සෘජුවම බලපෑ හැකි බවට අනතුරු අඟවනවා.
සංවේදී ක්රීඩක දත්ත උපකල්පන සඳහා භාවිත කිරීමට වඩා ක්රීඩකයන් සහ කණ්ඩායම් කළමනාකාරිත්වය අතර පැවතිය යුතු බවයි ඔහු තවදුරටත් සඳහන් කරන්නේ.
විනිවිදභාවය සහ වගවීම සහතික කිරීම සඳහා එවැනි තොරතුරු ප්රකාශයට පත් කිරීමේ දී මූලාශ්ර පැහැදිලිව සඳහන් කරන ලෙසද ඔහු මාධ්ය ආයතනවලින් ඉල්ලා සිටිනවා.
රසිකයයින්ගේ අඛණ්ඩ සහයෝගයට ස්තූති කළ චන්දිමාල්, ක්රීඩකයන්ට අදාළ සංවේදී තොරතුරු ප්රකාශයට පත් කිරීමට පෙර කරුණු ප්රවේශමෙන් සත්යාපනය කරන ලෙස මාධ්ය සංවිධානවලින් වැඩිදුරටත් ඉල්ලා ඇත්තේ.
wpDiscuz
