2024 වසරේ දර්ශනය වූ පළමු සූර්යග්රහණය දැකබලා ගැනීමට බටහිර යුරෝපය, උතුරු ඇමරිකාව, පැසිෆික් සාගරය, අත්ලාන්තික් සාගරය සහ ආක්ටික් කලාපයේ රටවල් රැසක ජනතාවට ඊයේ හැකියාව ලැබුණා.
මෙම පූර්ණ සූර්යග්රහණය මිලියන 32ක පමණ පිරිසක් නරඹා ඇති බවට ඇස්තමේන්තු ගතකර ඇති බවයි විදෙස් මාධ්ය වාර්තා කළේ.
සූර්යග්රහණය ප්රථම වරට දර්ශනය වූයේ මෙක්සිකෝවේ Mazatlán අවට බටහිර වෙරළ තීරයට වන අතර, එය දේශීය වේලාවෙන් 11:07ට දර්ශනය වී තිබෙනවා.
පසුව එය එක්සත් ජනපදය සහ කැනඩාවේ අත්ලාන්තික් වෙරළ තීරය හරහා දර්ශනය වූ බවයි විදෙස් මාධ්ය වාර්තා කළේ.
මේ අතර මෙම සූර්යග්රහණය සිදුවන ආකාරය සජීවීව විකාශය කිරීමට නාසා ආයතනය ඔවුන්ගේ වෙබ් අඩවි ඔස්සේ කටයුතු කර තිබුණා.
එක්සත් ජනපදයට යළිත් වරක් මෙවැනි පූර්ණ සූර්යග්රහණයක් දිස්වන්නේ 2044 අගෝස්තු 22 වනදායි.