මෝටර් රථයකින් පැමිණි පිරිසක් විසින් 18 හැවිරිදි තරුණියක් පැහැරගෙන යන අයුරු දැක්වෙන දර්ශන පෙළක් ඉන්දීය මාධ්‍ය මේ වනවිට ප්‍රසිද්ධියට පත්කර තිබෙනවා.
ඉන්දියාවේ තෙලන්ගානා ප්‍රාන්තයේ රාජන්න සර්සිල්ලා ප්‍රදේශයේ දී අද (20) පෙරවරුවේ මෙම තරුණිය පැහැරගැනීමට ලක්ව ඇති බවයි එරට මාධ්‍ය වාර්තාකර තිබුණේ.
තරුණිය සිය පියා සමඟ දේවස්ථානයකට ගොස් නැවත නිවසට යමින් සිටියදී මෙම සිද්ධියට මුහුණ පා ඇති බවයි වාර්තා වන්නේ.
පැහැරගැනීම සම්බන්ධයෙන් තෙලන්ගානා පොලිසිය වෙත තරුණියගේ මව්පියන් විසින් පැමිණිල්ලක් ද සිදුකර ඇති බව සඳහන්.
අදාළ තරුණිය මීට පෙර බාලවයස්කාර වියේදී තරුණයෙකු සමඟ (ඇගේ පෙම්වතා) පැන ගොස් ඇති බවට කරුණු අනාවරණය වී ඇති අතර, පොලිසිය සැකපළ කරන්නේ ඔහු මෙම පැහැර ගැනීම පිටුපස ඇති බවටයි.
මේ වනවිය ප්‍රසිද්ධියට පත්කර ඇති ආරක්ෂිත කැමරා දර්ශනවල දැක්වෙන්නේ මුහුණේ රෙදිකඩක් බැඳගත් පුද්ගලයෙකු දැරිය මෝටර් රථයක් දෙසට ඇදගෙන යන ආකාරයයි.
ඔහු විසින් ඇයව පසුපස අසුනට තල්ලු කරද්දී තවත් පුද්ගලයෙක් ඇගේ පියා වෙත ගොස් පියාව වැළක්වීමට උත්සහා දරණ අයුරු එම දර්ශනවල පටිගත වී තිබෙනවා.
මෙම සිද්ධිය සම්බන්ධයෙන් පරීක්ෂණ පවත්වනු ලබන පොලිසිය සඳහන් කර ඇත්තේ තරුණිය සොයා කණ්ඩායම් තුනක් යොදවා ඇති බවයි.
