දැවැන්ත පිඹුරෙක් ලොරි එන්ජිමක් තුළ සැඟ වී කිලෝමීටර් 100ක් දුර ගිහින් (වීඩියෝ)

දැවැන්ත පිඹුරෙක් ලොරි රථයක එන්ජිමක් තුළ සැඟ වී කිලෝමීටර් 100කට ආසන්න දුරක් ගමන් ගත් පුවතක් ඉන්දීය මාධ්‍ය වාර්තා කරනවා.

උත්තර් ප්‍රදේශ් ප්‍රාන්තයේ කුෂිනගර් සිට බිහාර් ප්‍රාන්තයේ නාර්කටියාගන්ජ් දක්වා ගමන් කරමින් තිබූ ලොරි රථයක එන්ජිමක් තුළ මෙම පිඹුරා සැඟව සිටිය දීයි හමුව ඇත්තේ.

මාර්ග ඉදිකිරීමේ ව්‍යාපෘතියක් සඳහා ගල් ප්‍රවාහනය කළ ලොරි රථයක මෙම පිඹුරා සැඟව සිට ඇති අතර, වාහනය නවතා එහි බොනට්ටුව විවෘත කර බැලීමේ දී එන්ජිම තුළ සිටි මෙම පිඹුරා සොයාගෙන තිබෙනවා.

එලෙස සොයාගත් පිඹුරා පසුව වනයක් තුළට නිදහස් කිරීමටයි කටයුතු කර ඇත්තේ.