අද (19) දිනයේ සිට ක්‍රියාත්මක වීමට නියමිත ටික් ටොක් තහනමට දින 90ක සහන කාලයක් ලබා දෙන බව එක්සත් ජනපදයේ 47 වන ජනාධිපතිවරයා ලෙස දිවුරුම් දීමට නියමිත ඩොනල්ඩ් ට්‍රම්ප් පවසනවා.
ට්‍රම්ප් ජනාධිපතිවරයා පවසන්නේ හෙට දිනයේ දිවුරුම් දී තමන් බලයට පත්වීමෙන් පසු මම සහන කාලය සම්බන්ධයෙන් නිවේදනයක් නිකුත් කරන බවයි.
චීනය පදනම් කරගත් මව් සමාගමක් වන බයිට්ඩෑන්ස් සමාගම හිමිකාරිත්වය දරණ ටික් ටොක් සමාජ මාධ්‍ය යෙදුම ඇමරිකා එක්සත් ජනපදය තුළ තහනම් කිරීමේ නීතියක් එරට ශ්‍රේෂ්ඨාධිකරණය විසින් පසුගිය සිකුරාදා දිනයේ සම්මත කරනු ලැබුවා.
එහිදී ශ්‍රේෂ්ඨාධිකරණය කියා සිටියේ එක්සත් ජනපදය තුළ ටික් ටොක් හිමිකාරීත්වයෙන් චීනය ඉවත්වී වෙනත් පාර්ශ්වයකට අලෙවි නොකරන්නේ නම් අද (19) දිනයේ සිට සිය රට තුළ ටික් ටොක් තහනම් කිරීමට කටයුතු කරන බවයි.
කෙසේ වෙතත් බයිට්ඩෑන්ස් සමාගම ඒ සඳහා ගැනුම්කරුවෙක් සෙවීම ප්‍රතික්ෂේප කර ඇති බවයි වාර්තා වුණේ.
