සංජීව කුමාර සමරරත්න නොහොත් ගනේමුල්ල සංජීව වෙඩි තබා ඝාතනය කිරීමේ සිද්ධියට මේ වනවිට සැකකරුවන් පස්දෙනෙක් අත්අඩංගුවට ගෙන ඇති බව පොලිසිය පවසනවා.
ඝාතනය සිදුකළ වෙඩික්කරු සහ තවත් සැකකරුවන් සිව්දෙනෙක් මෙලෙස අත්අඩංගුවට ගෙන ඇති බවයි පොලිසිය වැඩිදුරටත් පැවසුවේ.
ඒ, අනුව වෙඩික්කරුවන පියුමංග කඳනාරච්චි නැමැත්තා වෑන් රථයකින් පළායන අවස්ථාවේ දී වෑන් රථයේ රියදුරු ලෙස කටයුතු 44 හැවිරිදි මහේෂ් සම්පත් ප්‍රියදර්ශන නැමැත්තා සහ වෙඩික්කරු සමඟ පැමිණි කාන්තාව සමඟ සමීප සබඳතා පැවැත්වූ පොලිස් 26 හැවිරිදි කොස්තාපල් ළහිරු ප්‍රසන්න ඇතුගල නැමැත්තා ද ඒ අතර වනවා.
ඊට අමතරව වෙඩිකරුට අවි ආයුධ ලබාදුන් සහ ඔහුව අපරාධය සඳහා මෝටර් රථයකින් අලුත්කඩේ අධිකරණය අසළට ගෙනැවිත් ඇරලූ ජනක උදය කුමාර නැමැති 43 හැවිරිදි වියේ පසුවන පුද්ගලයා ද අත්අඩංගුවට පත් සැකරුවන් අතර වනවා.
එමෙන්ම වෙඩික්කරු පළායාමට යොදාගත් වෑන් රථය සන්තකයේ තබාගෙන සිටි 37 හැවිරිදි හසිත රොෂාන් නැමැති අතුරුගිරිය පොලිස් ස්ථානයට අනියුක්තව සේවය කළ පොලිස් කොස්තාපල්වරයෙක් ද අත්අඩංගුවට ගැනුණු සැකකරුවන් පස්දෙනා අතර වනවා.
ඒ, අනුව මෙම අපරාධයට පොලිස් නිලධාරීන් දෙදෙනෙක් අත්අඩංගුවට ගෙන ඇති බවයි පොලිසිය සඳහන් කළේ.
සිද්ධිය පිළිබඳව කොළඹ අපරාධ කොට්ඨාසය වැඩිදුර විමර්ශන සිදුකරනු ලබනවා.
