ඉරාන ආරක්ෂක අංශ විසින් උඩු ගුවනේ දී බිම හෙළන ලද ඇමරිකානු F-15 ප්රහාරක ජෙට් යානයේ සිටි දෙවන නිලධාරියා සොයා ගෙන ඇති බව එක්සත් ජනපද මාධ්ය වාර්තා කරනවා.
ඔහුව ගලවා ගැනීමේ ක්රියාවලියේ දී එක්සත් ජනපද සහ ඉරාන හමුදා අතර ගැටුමක් ඇති වූ බවත්, බේරාගත් නිලධාරියා අනතුරින් තුවාල ලබා ඇති බවයි වාර්තා වන්නේ.
පසුගිය පැය කිහිපය තුළ, එක්සත් ජනපද හමුදාව එක්සත් ජනපද ඉතිහාසයේ වඩාත්ම නිර්භීත සෙවීම් සහ ගලවා ගැනීමේ මෙහෙයුමක් දියත් කළ බවයි ඇමරිකානු ජනාධිපතිවරයා සිට Truth Social සමාජ මාධ්යයේ සටහනක් තබමින් පවසා ඇත්තේ.
අතුරුදහන්ව සිටි ඇමරිකානු නිලධාරියා එක්සත් ජනපද හමුදා විසින් බේරා ගැනීමෙන් පසු ඔහු ආරක්ෂිතව පසුවන බවත් ට්රම්ප් පවසනවා.
දකුණු ඉරානයට ඉහළ අහසේ දී ඉරාන ආරක්ෂක අංශ විසින් වෙඩි තබා ඇමරිකානු F-15 ප්රහාරක ජෙට් යානයක් බිම හෙළා තිබුණේ පසුගිය සිකුරාදා දිනයේ දීයි.
මෙහිදී කඩා වැටුණු යානයේ සිටි ගුවන් නියමුවාට නිරුපදිතව දිවි බේරාගැනීමට හැකි වූ අතර, යානයේ සිටි සහායක නිලධාරියා අතුරුදහන් බවට තොරතුරු වාර්තා වුණේ.
ඔහු ජිවත්ව සිටින බවට තහවුරු කරගත් ඇමරිකානු ආරක්ෂක අංශ ඔහුව සොයාගැනීමට විශේෂ මෙහෙයුමක් සිකුරාදා දිනයේම ආරම්භ කළා.
