හෙට (09) දිනයේ ඩුබායිහි දී පැවැත්වෙන චැම්පියන්ස් කුසලාන අවසන් මහා තරඟයේ දී ඉන්දියාව නවසීලන්තය හමුවේ පරාජය වුවහොත් ඉන්දීය නායක රෝහිත් ක්‍රිකට් පිටියෙන් විශ්‍රාම යාමට වැඩි අවස්ථාවක් පවතින බව ඉන්දීය වාර්තාවක් සඳහන් කරනවා.
මෙම අවසන් තරඟය ඉන්දියාව ජයග්‍රහණය කළහොත්, රෝහිත් එක්දින තරඟවල ක්‍රීඩකයෙකු ලෙස පමණක් ඉදිරියට යාමට වැඩි හැකියාවක් පවතින බව වාර්තාවේ තවදුරටත් දැක්වෙනවා.
එහිදී ඔහු නායකත්වයෙන් ඉවත්ව එම වගකීම වෙනත් තරුණ ක්‍රීඩකයෙකු වෙත පැවරීමට ද සූදානමක් පවතින බවයි වාර්තා වන්නේ.
ඒ, අනුව තුන් ඉරියව් ක්‍රීඩක හර්දික් පාණ්ඩ්‍යා හෝ ආරම්භක පිතිකරුවෙක්වන ශුබ්මන් ගිල් වෙත එම වගකීම පැවරෙනු ඇති බවයි අදාළ වාර්තාව මඟින් පවසන්නේ.
මේ වනවිට 37 හැවිරිදි වියේ පසුවන රෝහිත් ශර්මා සිය ක්‍රිකට් ආනගතය සම්බන්ධයෙන් ගනු ලබන්නේ කුමන තීරණයක් ද යන්න පිළිබඳව නිශ්චිතවම දැනගැනීමට නම් හෙට (09) පැවැත්වෙන චැම්පියන්ස් කුසලාන අවසන් මහා තරගයේ ප්‍රතිඵලය දෙස බලා සිටිය යුතු වනවා.
