කලාපීය සමුද්රීය මෙහෙයුම් මධ්යස්ථාන සහ ජාත්යන්තර අපරාධ පොලිස් සංවිධානයේ (INTERPOL) නියෝජිතයින් පිරිසක් ඊයේ (14) සහ අද (15) කොළඹ තොරතුරු විලයන මධ්යස්ථානයට පැමිණ සමුද්රීය තොරතුරු හුවමාරුව වැඩි දියුණු කිරීමේ මාර්ග පිළිබඳව සාකච්ඡා කළා.
සමුද්රීය දත්ත සැකසීමේදී ඇති පොදු අභියෝගවලට මුහුණ දීම සහ තොරතුරු හුවමාරුව වැඩිදියුණු කිරීම සඳහා ප්රායෝගික ප්රවේශයන් සංවර්ධනය කිරීම කෙරෙහි දෙදින සංචාරයේ අවධානය යොමු වුණා.
නියෝජිත පිරිසට INTERPOL හි නියෝජිතයින් තිදෙනෙක්, මැඩගස්කරයේ කලාපීය සමුද්රීය තොරතුරු විලයන මධ්යස්ථානයේ (RMIFC) දෙදෙනෙක්, සීෂෙල්ස් හි කලාපීය සම්බන්ධීකරණ මෙහෙයුම් මධ්යස්ථානයේ (RCOC) දෙදෙනෙක් සහ කොළඹ ජාතික මධ්යම කාර්යාංශයේ (NCB) සම්බන්ධීකරණ නිලධාරියෙක් ඇතුළත් වුණා.
සහභාගී වන සංවිධානවලට ඔවුන්ගේ අත්දැකීම් බෙදා ගැනීමට, පොදු අභියෝග හඳුනා ගැනීමට සහ තොරතුරු බෙදා ගැනීමේ යාන්ත්රණයන් ශක්තිමත් කිරීම සඳහා ප්රායෝගික ප්රවේශයන් පරීක්ෂා කිරීමට මෙම වැඩසටහන වැදගත් වේදිකාවක් සැපයූ බවයි නාවික හමුදාව පවසන්නේ.
සමුද්රීය තොරතුරු විලයන මධ්යස්ථාන සහ නීතිය ක්රියාත්මක කරන ආයතන අතර ඵලදායී සම්බන්ධීකරණයේ සහ සහයෝගීතාවයේ වැදගත්කම ද සාකච්ඡාවලදී ඉස්මතු කර තිබෙනවා.
