හිටපු යුද හමුදාපති විශ්‍රාමික ජෙනරාල් ශවේන්ද්‍ර සිල්වා දේශපාලනයට පිවිසෙන බවට මේ වනවිට සමාජ මාධ්‍යයේ පුවත් සහ පොස්ටු සංසරණය වනවා.
එම පුවත් සහ පොස්ටුවල දැක්වෙන්නේ විශ්‍රාමික ජෙනරාල් ශවේන්ද්‍ර සිල්වා සමඟි ජන බලවේගය නියෝජනය කරමින් දේශපාලනයට පිවිසීමට සූදානම් බවයි.
ඒ,අනුව ඔහු ඉදිරියේ දී සමඟි ජන බලවේගය නියෝජනය කරමින් අපේක්ෂකයෙක් ලෙස උතුරු මැද පළාත් සභාව සඳහා තරග කිරීමට සූදානම් බවටයි එම පුවත් සහ පොස්ටුවල දැක්වෙන්නේ.
එහිදී හිටපු යුද හමුදාපතිවරයා උතුරු මැද පළාත් සභාවේ සමඟි ජන බලවේගය මහ ඇමති අපේක්ෂකයා ලෙස ඉදිරිපත්වන බව එම පුවත්වල වැඩිදුරටත් දැක්වෙනවා.
කෙසේ වෙතත් මේ සම්බන්ධයෙන් විමසීමට අප, හිටපු යුද හමුදාපති විශ්‍රාමික ජෙනරාල් ශවේන්ද්‍ර සිල්වා දුරකථනය ඔස්සේ සම්බන්ධ කර ගැනීමට උත්සාහ කළත්, එය සාර්ථක වූයේ නැහැ.
ඒ, අනුව මේ පිළිබඳව අප සමඟි ජනබලවේග පාර්ශ්වයෙන් විමසීමක් කළ අතර, එහි විශ්වසසන්ත ආරංචි මාර්ග සඳහන් කළේ, සමාජ මාධ්‍යයේ එලෙස පැතිර යන පුවත් සහ පොස්ටු අසත්‍ය බවයි.
