ශ්‍රී ලංකාවේ ජනගහනයෙන් මිලියන තුනක පමණ ප්‍රමාණයක් බීඩි දුම්වැටි භාවිතා කරන බව අනාවරණය වී ඇතැයි, සුරාබදු කොමසාරිස් ජෙනරාල් එම්.බී. එල්. ඒ. ප්‍රේමලාල් පවසනවා.
කෙසේ වෙතත් බීඩි භාවිත කරන්නන්ට සාපේක්ෂව ශ්‍රී ලංකා රජයට හිමිවිය යුතු ආදායම හිමි නොවන බව ද ඔහු සඳහන් කළා.
බීඩි නිෂ්පාදනය කරනු ලබන ව්‍යාපාරිකයින් විසින් නිෂ්පාදනයට යොදාගනු ලබන බීඩි කොළ ඉන්දියාවෙන් නීති විරෝධීව රැගෙන ඒම හේතුවෙන්, මෙලෙස ඉලක්ක ගත ආදායමට ළඟා විය නොහැකි තත්ත්වයක් උදා වී ඇති බවයි, ඔහු වැඩිදුරටත් කියා සිටියේ.
”පොඩි කණගාටුදායක තත්ත්වයක් තියෙනවා. මිලියන තුනක් පමණ අපේ රටේ බීඩ් භාවිත කරනවා කියලා අපිට දැනගන්න ලැබිලා තියෙනවා. එහෙම නම් බිලියන නවයක දහයක බදු ආදායමක් එන්න ඕන බීඩි වලින්. නමුත් බිලියන දෙකවත් ළඟා කරගන්න බැරිවෙලා නියෙනවා. හේතුව වෙලා තියෙන්නේ බීඩි ව්‍යාපාරිකයින් බීඩි කොළ ඉන්දියාවේ ඉඳන් හොර රහසේ ගෙන ප්‍රවනතාවක් තියෙන නිසා” යැයි සුරාබදු කොමසාරිස් ජනරාල්වරයා කියා සිටියා.
