ශ්රී ලංකාව සහ තායිලන්තය අතර ශ්රම සහයෝගීතාව සහ ශ්රී ලාංකික ශ්රමිකයන් තායිලන්තයේ රැකියා සඳහා යොමු කිරීම සම්බන්ධ වැදගත් ගිවිසුම් කිහිපයකට අත්සන් තබා තිබෙනවා.
විදේශ කටයුතු අමාත්ය විජිත හේරත්ගේ තායිලන්ත නිල සංචාරය අතර තුර ඊයේ (14) බැංකොක් නුවරදී මෙම ගිවිසුම්වලට අත්සන් තබා ඇති බවයි වාර්තා වුණේ.
මෙම ගිවිසුම් මඟින් ශ්රී ලාංකික ශ්රමිකයින්ගේ අයිතිවාසිකම්, සුබසාධනය සහ ආරක්ෂාව තහවුරු කරන අතර, ආරක්ෂිත, විධිමත් සහ දෙරටටම ඵලදායී රැකියා අවස්ථා සඳහා මඟ සැලසෙනවා.
තායිලන්තයේ පවතින ශ්රම අවශ්යතා සපුරාලීම සඳහා මුල් අදියරේදී ශ්රී ලාංකිකයන් 10,000 කට රැකියා අවස්ථා ලබාදීමට තායිලන්ත රජය අනුමැතිය ලබාදී තිබෙනවා.
තොරතුරු තාක්ෂණය සහ සංචාරක ක්ෂේත්රය ඇතුළු ක්ෂේත්රවල ශ්රී ලාංකික තරුණ පරපුර සඳහා පුහුණු රැකියා අවස්ථා තවදුරටත් පුළුල් කිරීමටද අවස්ථාව සැලසෙනු ඇති.
