අනුරාධපුර ශික්ෂණ රෝහලේ වෛද්‍යවරියකට සිදු වූ අවාසනාවන්ත සිදුවීම සම්බන්ධයෙන් සෞඛ්‍ය හා ජනමාධ්‍ය අමාත්‍ය වෛද්‍ය නලින්ද ජයතිස්ස මහතා විශේෂ ඉල්ලීමක් සිදු කර තිබෙනවා.
අමාත්‍යවරයා සිය නිල X ගිණුමෙහි සටහනක් තබමින් කියා සිටින්නේ අදාළ ඉරණමට මුහුණ පෑ වෛද්‍යවරියගේ අනන්‍යතාව හෙළි කිරීමෙන් සියලු මාධ්‍ය ආයතන වැළකී සිටිය යුතු බවයි.
සෞඛ්‍ය හා ජනමාධ්‍ය අමාත්‍යවරයා නිකුත් කළ X සටහන පහතින්;
”අනුරාධපුර ශික්ෂණ රෝහලේ ඊයේ සිදු වූ අවාසනාවන්ත සිදුවීමට සම්බන්ධ වෛද්‍යවරියගේ අනන්‍යතාව හෙළි කිරීමෙන් වැළකී සිටීමෙන් ඇයගේ පෞද්ගලිකත්වයට ගරු කරන ලෙස මම සියලුම මුද්‍රිත හා ඩිජිටල් මාධ්‍යවලින් කාරුණිකව ඉල්ලා සිටිමි.” (I kindly urge all print and digital media to respect the privacy of the lady doctor involved in the unfortunate incident at Anuradhapura Teaching Hospital yesterday by refraining from disclosing her identity) යනුවෙන්.
අනුරාධපුර ශික්ෂණ රෝහලේ වෛද්‍යවරියක් ඇයගේ නේවාසිකාගාරය තුළ දී නාඳුනන පුද්ගලයෙකුගේ ලිංගික හිංසනයට ලක් වුණා.
අදාළ සිදුවීම සම්බන්ධයෙන් සැකකරු අත් අඩංගුවට ගැනීමට විශේෂ පොලිස් කණ්ඩායම් 05ක් පරීක්ෂණ කටයුතු ආරම්භ කර ඇති අතර මෙම සැකකරු හමුදාවෙන් පලා ගිය අයෙකු බවටයි හෙළි ව ඇත්තේ.
මෙම සිදුවීම සම්බන්ධයෙන් එම සැකකරුව කඩිනමින් අත්අඩංගුවට ගැනීමට කටයුතු කරන ලෙසත්, නීතිය දැඩිව ක්‍රියාත්මක කරන ලෙසත් ඉල්ලා එම රෝහලේ වෛද්‍යවරු අත්‍යවශ්‍ය සේවාවන් හැර අනෙකුත් සියලුම වෛද්‍ය සේවාවලින් ඉවත් ව තිබෙනවා.
ඇයට වහාම මනෝ උපදේශනයට යොමු කරන්න.