අම්බලන්ගොඩ ඓතිහාසික මෝදර දේවාලයේ 82 වන වාර්ෂික මහා පෙරහැර පැවැත්වීම සඳහා අවසර ලබා නොදෙන බව පවසමින් අම්බලන්ගොඩ ස්ථානාධිපතිවරයා විසින් ගෙන තිබූ තීරණය අභියෝගයට ලක් කරමින් දේවාලයේ පෙරහැර කමිටුව විසින් අභියාචනාධිකරණය හමුවේ ගොනු කර තිබූ රිට් පෙත්සම අද (28) දිනයේ සලකා බැලුවා.
එහිදී නීතික පාර්ට්නර්ස් නීතීඥවරුන්ගේ උපදෙස් මත පෙරහැර කමිටුව වෙනුවෙන් පෙනී සිටි නීතීඥ ඉෂාන් අලවතුරගේ සහ රජය වෙනුවෙන් පෙනී සිටි නියෝජ්ය සොලිසිටර් ජෙනරල්වරයා විසින් සිදුකළ දීර්ඝ කරුණු දැක්වීමෙන් අනතුරුව දෙපාර්ශ්වය විසින් ඇති කරගත් එකඟතාවය මත පෙරහැර පැවැත්වීම සඳහා අවසර ලබාදීමට ගරු අභියාචනාධිකරණය විසින් තීරණය කළා.
ආදිත්ය පටබැඳිගේ සහ බී.ශෂි මහේන්ද්රන් යන මහත්වරුන්ගෙන් සමන්විත අභියාචනාධිකරණ විනිසුරු මඩුල්ල හමුවේ නඩුව කැඳවනු ලැබුවා.
