ශ්‍රී ලාංකීය මුහුදු සීමාවේ අනවසරයෙන් මසුන් ඇල්ලූ ධීවර යාත්‍රාවක් මෙරට නාවික හමුදා භාරයට ගෙන තිබෙනවා.
ඒ, ජාත්‍යන්තර මුහුදු සීමා රේඛාව ((IMBL) උල්ලංඝනය කරමින් මෙරට මුහුදු සීමාව තුළට අනවසරයෙන් ඇතුල් වී මසුන් ඇල්ලීමේ නිරත වීම හේතුවෙන්.
එහි ඉන්දීය ධීවරයින් නවදෙනෙකු නාවික හමුදාව සිය භාරයට ගෙන ඇති අතර, අද (04) දින උදෑසන එම ඉන්දීය ධීවර යාත්‍රාව සහ ධීවරයින් කන්කසන්තුරය වරාය වෙත රැගෙන ඒමට කටයුතු කර තිබෙනවා.
මෙම ධීවර යාත්‍රාව සහ ධීවරයින් සම්බන්ධයෙන් ඉදිරි නීතිමය ක්‍රියාමාර්ග ගැනීමට යාපනය ධීවර හා ජලජ සම්පත් දෙපාර්තමේන්තුව වෙත භාරදීමට නියමිතයි.
