“ස්වාමීනි ,මට අවස්ථා දෙකකදීම සයනයිඩ් ගහන්න හැදුවා. වැලිසර බන්ධනාගාරයේ නිසි ආරක්ෂාවක් නැහැ. මරණ තර්ජන තියෙනවා. නිසි ආරක්ෂාවක් ලබා දෙන ලෙස මම අධිකරණයෙන් ඉල්ලනවා” යනුවෙන් ප්රබල සංවිධානාත්මක අපරාධකරුවෙක් වන මන්දිනු පද්මසිරි පෙරේරා නොහොත් ‘කෙහෙල්බද්දර පද්මේ ‘අද (28) කොළඹ ප්රධාන මහේස්ත්රාත් අසංග එස්. බෝදරගම මහතා හමුවේ ඉල්ලා සිටියා.
නීතිවිරෝධීව පතාල නායකයින් දෙදෙනකු වන ගම්පහ බබා සහ බබී බෝට්ටු මගින් ඉන්දියාවට යැවීමේ චෝදනාවට අදාල සැකකරුට එරෙහිව ගොනු කර තිබූ නඩුව අද (28) කැඳවු අවස්ථාවේදී ඔහු මෙම ඉල්ලීමක් කළා.
ඒ අනුව බන්ධනාගාර නිලධාරීන්ට මෙම සිද්ධිය සම්බන්ධයෙන් වර්තාවක් කැඳවන ලෙසට ද අධිකරණය නියෝග කළා.
සිද්ධියට අදාළ සැකකරු ලබන 12 දක්වා යළි රක්ෂිත බන්ධනාගාරගත කරනු ලැබුවා.
සිද්ධියට අදාළ නඩුව කැඳවු අවස්ථාවේ දී වැලිසර බන්ධනාගාරයේ සිටි සුම් තාක්ෂණය ඔස්සේ සැකකරු නඩු කටයුත්ත වෙනුවෙන් පෙනී සිටියා.
