මඩකලපුව ශික්ෂණ රෝහලේ රුපියල් මිලියන 550ක මධ්‍යම රජයේ මූල්‍ය ප්‍රතිපාදන යටතේ ඉදිකෙරුණු සත් මහල් වකුගඩු හා රුධිර කාන්දුකරණ ඒකකය පසුගියදා ජනතා අයිතියට පත් කෙරුණා.
ඒ, සෞඛ්‍ය හා ජනමාධ්‍ය අමාත්‍යාංශයේ ලේකම් විශේෂඥ වෛද්‍ය අනිල් ජාසිංහගේ ප්‍රධානත්වයෙන්.
නැගෙනහිර පළාතේ විශේෂයෙන් අම්පාර සහ මඩකළපුව දිස්ත්‍රික්කවල වකුගඩු රෝගීන් බහුලව වාර්තා වන බැවින්, එම වකුගඩු රෝගීන්ගේ ඉහළ යාම සැලකිල්ලට ගනිමින්, අයවැය මඟින් වෙන් කරන ලද මුදල් යොදවා මෙම වකුගඩු ප්‍රතිකාර ඒකකයේ අඩාල වී තිබූ ඉදිකිරීම් කටයුතු කඩිනමින් අවසන් කිරීමට සෞඛ්‍ය හා ජනමාධ්‍ය අමාත්‍යාංශය පියවර ගෙන තිබුණා.
මඩකළපුව ශික්ෂණ රෝහල් ඉතිහාසයේ පළමු වකුගඩු බද්ධ කිරීමේ ශල්‍යකර්මය ද 2025 මැයි 15 වන දින සාර්ථකව සිදු කරනු ලැබුවා.
