නගර කිහිපයක් විනාශ කරදමමින් ඇති වූ හදිසි ගංවතුරෙන් පසු සෝදිසි කිරීමේ සහ ගලවා ගැනීමේ මෙහෙයුම් සඳහා නේපාලයට විදේශ සහාය අවශ්ය නොවන බව එරට විදේශ අමාත්යාංශය අද (28) දැනුම් දුන්නා.
මෙම ආපදා තත්ත්වය හමුවේ 90,000 කට අධික පිරිසක් පීඩාවට පත්ව ඇති බවට ඇස්තමේන්තු ගතකර ඇති අතර 547 දෙනෙක් ජීවිතක්ෂයට පත්ව ඇති බව විදෙස් මාධ්ය වාර්තාකර තිබෙනවා.
එමෙන්ම විශාල විදෙස් සංචාරකයින් පිරිසක් ඇතුළුව සමස්ත පුද්ගලයන් 1000කට අධික පිරිසක් මේ වන විටත් අතුරුදන්ව ඇති බවයි වාර්තා වන්නේ.
“උදව් සඳහා වන යෝජනාව ස්වාභාවිකයි. අපගේ ආරක්ෂක ආයතන සෙවීමේ සහ ගලවා ගැනීමේ මෙහෙයුම සිදු කරනවා. දැනට අපට එවැනි උදව් අවශ්ය වන්නේ නැහැ” යනුවෙන්, නේපාල විදේශ කටයුතු අමාත්යාංශයේ ප්රකාශක ලොක් බහදූර් චෙත්රි විදෙස් මාධ්ය වෙත පවසා තිබෙනවා.
