ගාල්ල – කොළඹ ප්රධාන මාර්ගයේ කහව හන්දිය ප්රදේශයේ දී අද (21) දහවල් පුද්ගලයෙකු ඉලක්ක කර වෙඩි තැබීමට ගත් උත්සාහයක් ව්යාර්ථ වී තිබෙනවා.
කහව හන්දියේ ත්රිරෝද රථ නැවතුම්පොළ අසළ රැඳී සිටි පුද්ගලයෙකු ඉලක්ක කරගෙන මෙලෙස වෙඩි තැබීමට තැත්කර ඇති බවයි වාර්තා වුණේ.
එම අවස්ථාවේ වෙඩික්කරුගේ ඉලක්කය වූ පුද්ගලයා දිවගොස් ඇති අතර, ඔහු පසුපස වෙඩික්කරු ද හඹා ගොස් වෙඩි තැබීමට උත්සාහ ගෙන තිබෙනවා.
කෙසේ වෙතත් වෙඩික්කරුගේ ඉලක්කය වූ පුද්ගලයා පලා ගිය මාර්ගය වෙඩික්කරුට සොයාගැනීමට නොහැකි වීම හේතුවෙන් වෙඩි තැබීම ව්යාර්ථ වී ඇති බවයි වාර්තා වන්නේ.
වෙඩික්කරුගේ ඉලක්ක වූ පුද්ගලයා මීටියාගොඩ ප්රදේශයේ සිදුවූ ඝාතනයකට සම්බන්ධව රක්ෂිත බන්ධනාගාර ගතව සිට මෑතකදී ඇප ලබා පැමිණි අයෙක් බවයි අනාවරණය වී ඇත්තේ.
අම්බලන්ගොඩ පොලිසිය සිද්ධිය සම්බන්ධව විමර්ශන අරඹා තිබෙනවා.
