තමන්ගේ කීර්තිනාමයට අපහාස කළ බවට චෝදනා කරමින් පෞද්ගලික බස්රථ හිමියන්ගේ සංගමයේ සභාපති ගැමුණු විජේරත්න මහතා අපරාධ පරීක්ෂණ දෙපාර්තමේන්තුවට පැමිණිලි කර තිබෙනවා.
එක්තරා වෙබ් පිටුවක තමන් බස් රථ හිමියන්ගේ සංගමයේ සභාපතිවරයා වශයෙන් සිටිමින්; අමාත්යාංශයක රාජකාරි කටයුතුවලට බාධා කළ බවට එක්තරා පාර්ශ්වයක් මගින් චෝදනා කරමින් සිටින බවත් ඊට එරෙහිව දැඩි නීතිමය ක්රියාමාර්ග ගැනීමට සිය පැමිණිල්ල අපරාධ පරීක්ෂණ දෙපාර්තමේන්තුව වෙත ඉදිරිපත් කළ බවත් ගැමුණු විජේරත්න මහතා පැවසුවා.
අදාළ පාර්ශ්වයට එරෙහිව එන්තරවාසි යවා වන්දි මුදල් අයකර ගැනීමට තමන් බලාපොරොත්තු වන බවයි හෙතෙම වැඩිදුරටත් පැවසුවේ.
තම පැමිණිල්ල අපරාධ පරීක්ෂණ දෙපාර්තමේන්තුව විසින් භාරගන්නා ලද බවට ද ගැමුණු විජේරත්න මහතා ප්රකාශ කළා.
