පේරාදෙණිය ශික්ෂණ රෝහලේ දෙවන මහලේ වෛද්ය සායනය අසලදී (28) දහවල් 2.30 ට පමණ පුද්ගලයකු විසින් තවත් පුද්ගලයකුව ඉලක්ක කරගනිමින් එල්ල කරන ලද ඇසිඩ් ප්රහාරයක් නිසා එම පුද්ගලයා සහ තවත් එම ස්ථානයේ රැඳී සිටි පුද්ගලයන් කිහිප දෙනෙකු තුවාල ලබා ප්රතිකාර සඳහා පේරාදෙණිය රෝහලට ඇතුළත් කර තිබෙනවා.
ඇසිඩ් ප්රහාරය එල්ල කරන ලද පුද්ගලයා රෝහල් කාර්ය මණ්ඩලය හා රෝහල් ආරක්ෂක අංශ විසින් අල්ලාගෙන පේරාදෙණිය පොලීසිය වෙත භාර දී තිබෙනවා.
මාවනැල්ල ප්රදේශයේ පදිංචි කරුවෙකු වන ප්රියන්ත ධර්මසේන අය විසින් ඔහුගේ බිරිඳ සමග අනියම් සම්බන්ධයක් පවත්වන ලද පුද්ගලයා හට ඇසිඩ් ප්රහාරයක් එල්ල කර ඇති බවත් මෙම හේතුවෙන් රෝහල වෙත පැමිණ සිටි කාන්තාවන් දෙදෙනකු හා පිරිමි පූද්ගලයින් දෙදෙනකු මෙම ඇසිඩ් ප්රහාරයට ලක්ව පේරාදෙණිය රෝහලේ හදිසි ප්රතිකාර ඒකකයට ඇතුළත්ව ප්රතිකාර ලබයි.
මෙයින් ඇසිඩ් ප්රහාරයට ඉලක්කය වූ පුද්ගලයාගේ ඇස්වලට හානි වී ඇති බැවින් ඔහු වැඩි දුර ප්රතිකාර සඳහා මහනුවර රෝහලේ අක්ෂි වෛද්ය ඒකකය වෙත මාරු කර යැවීමට කටයුතු කළ බව පේරාදෙණිය ශික්ෂණ රෝහලේ නියෝජ්ය අධ්යක්ෂ වෛද්ය කුමුදු බණ්ඩාර මහතා සඳහන් කළා.
අනෙක් පුද්ගලයන්ගේ තත්ත්වය බරපතළ නොවන බව ද රෝහල් නියෝජ්ය අධ්යක්ෂවරයා සඳහන් කළා.
සිද්ධිය සමිබන්දව පේරාදෙණිය පොලිසි පරීක්ෂණ සිදු කරනු ලබයි.
