රුපියල් අට කෝටි තිස් හය ලක්ෂ පනස් දහසක් වටිනා “කුෂ්” මත්ද්රව්ය තොගයක්, මෙරටට රැගෙන විත්, ඒවා කටුනායක ගුවන් තොටුපොළ පැමිණීමේ පර්යන්තයේ කිසිවක් ප්රකාශ කිරීමට නොමැති “හරිත මාවත” (Green Channel ) ඔස්සේ පිට කර ගෙන යාමට තැත් කළ ශ්රී ලාංකික ගුවන් මගියෙක් අද (26) උදෑසන රේගු මත්ද්රව්ය පාලන අංශයේ නිලධාරීන් පිරිසක් විසින් අත්අඩංගුවට ගෙන තිබේ .
මොහු ගම්පහ ප්රදේශයේ පදිංචි 24 හැවිරිදි වියේ පසුවන මුදල් අයකැමිවරයෙක්.
ඔහු අද (26) දින උදෑසන 09.35 ට තායිලන්තයේ බැංකොක් නුවර සිට ශ්රී ලන්කන් ගුවන් සේවයේ යූ.එල්.- 403 දරන ගුවන් යානයෙන් කටුනායක ගුවන් තොටුපොළ වෙත පැමිණ තිබුණා.
එහිදී ඔහු විසින් රැගෙන ආ ගමන් මල්ල තුළ , පැකැට් 19 ක් ලෙස අසුරා සකස් කළ ” කුෂ්” මත්ද්රව්ය කිලෝ ග්රෑම් 08 ග්රෑම් 365 ක් සගවා ගෙන පැමිණ තිබෙනවා.
මේ පිළිබද වැඩිදුර විමර්ශන කටයුතු සදහා මෙම පුද්ගලයා සහ ඔහු විසින් රැගෙන ආ “කුෂ්” මත්ද්රව්ය තොගය කටුනායක ගුවන් තොටුපොළ පොලිස් මත්ද්රව්ය කාර්යාංශයේ නිලධාරීන් වෙත භාර දීමට පියවර ගෙන ඇති බවයි වාර්තා වන්නේ.
