අබිරහස් ලෙස මියගිය ශ්රී ලංකන් ගුවන් සමාගමේ හිටපු ප්රධාන විධායක කපිල චන්ද්රසේනගේ ජංගම දුරකථනයේ දත්ත ලබා ගැනීම සඳහා අපරාධ පරීක්ෂණ දෙපාර්තමේන්තුවේ ජාත්යන්තර පොලිසිය හරහා ඇපල් සමාගම වෙත ඉල්ලීමක් කර ඇති බව කොළඹ අපරාධ කොට්ඨාශය අද (26) කොටුව මහේස්ත්රාත් පසන් අමරසේන හමුවේ දැන්වූවා.
කපිල චන්ද්රසේනගේ මරණ පරීක්ෂණයට අදාලව අද සාක්ෂි අංක 17,18, 19 සහ 20 යන සාක්ෂිකරුවන්ගේ සාක්ෂි කැඳවීමට තිබූ අතර 17 වන සහ 18 වන සැකකරු පමණක් අධිකරණයේදී සාක්ෂි ලබාදෙනු ලැබුවා.
සිද්ධියට අදාළ 19වන සහ 20වන සාක්ෂිකරුවන් වන ජනාධිපති නීතිඥ රියන්සි අර්සකුලරත්න සහ නීතීඥ උදාර මුහන්දිරම් අධිකරණය පෙනී නොසිටියා.
ඒ සම්බන්ධයෙන් කොළඹ අපරාධ කොට්ඨාසය සඳහන් කර සිටියේ එම සාක්ෂිකරුවන් දෙදෙනාට අධිකරණයේ පෙනී සිටින ලෙස දැනුම් දී තිබූ බවයි.
එම අවස්ථාවේදී මහේස්ත්රාත්වරයා සඳහන් කර සිටියේ ඔවුන් නොපැමිණීම සම්බන්ධයෙන් කරුණු විමසා බලා නැවත එම සාක්ෂිකරුවන්ට දන්වන ලෙසයි.
සිද්ධියට අදාළ වැඩිදුර සාක්ෂි විභාගය මැයි 29 දින යළි කැදවීමට නියමිතයි.
