spot_img
AFC Banner
Empty Ad
Empty Ad

නීතිපතිට සේවා දිගුවක් ඉල්ලා ජනපති කළ ඉල්ලීම පරාදයි!

නීතිපති සංජය රාජරත්නම් මහතාගේ සේවා කාලය තවත් මාස 06කින් දීර්ඝ කිරීමට ජනාධිපතිවරයා කළ යෝජනාව ආණ්ඩුක්‍රම ව්‍යවස්ථා සභාව විසින් ප්‍රතික්ෂේප කර තිබෙනවා.

යෝජනාව සම්බන්ධයෙන් දීර්ඝ ලෙස සාකච්ඡා කිරීමෙන් අනතුරුව ඒ් සම්බන්ධයෙන් පැවති ඡන්ද විමසීමේදී අදාළ යෝජනාව ප්‍රතික්ෂේප වුණා.

නීතිපති ජනාධිපති නීතිඥ සංජය රාජරත්නම් මහතාට සේවා දිගුවක් ලබාදීම සඳහා ජනාධිපතිවරයා කළ යෝජනාව සම්බන්ධයෙන් අද (18) පාර්ලිමේන්තුව රැස් වූ අවස්ථාවේදී ද විපක්ෂය සිය විරෝධය පළ කළා.

අදාළ යෝජනාව සලකා බැලීම සඳහා ආණ්ඩුක්‍රම ව්‍යවස්ථා සභාව අද තෙවැනි දිනයටත් පාර්ලිමේන්තුවේ දී රැස්වුණේ එවන් පසුබිමකයි.

එහිදී ජනාධිපතිවරයාගේ යෝජනාව සම්බන්ධයෙන් ව්‍යවස්ථාදායක සභාවේ සාමාජිකයින්ට පොදු එකඟතාවයකට පැමිණීමට නොහැකි වී තිබෙනවා.

ඒ අනුව ඡන්ද විමසීමක් පවත්වා අවසන් තීරණයකට පැමිණි බවයි සඳහන් වෙන්නේ.

ඡන්ද විමසීමේදී ජනාධිපතිවරයාගේ යෝජනාව පරාජයට පත් වී තිබෙනවා.

නීතිපති සංජය රාජරත්නම්ගේ සේවා කාලය මේ මස 26 වැනිදායින් අවසන් වීමට නියමිතයි.

IMF සාකච්ඡා සහ නීති සංශෝධන ඉදිරියට ගෙනයෑම, එක්ස්ප්‍රස් පර්ල් නඩුව සම්බන්ධ ඉදිරි පියවර ගැනීම, පාස්කු දින එල්ල වූ ප්‍රහාරය සම්බන්ධයෙන් කතෝලික සභාව සමග සම්බන්ධ වෙමින් විමර්ශන ඉදිරියට ගෙන යෑම ඇතුළු කරුණු වෙනුවෙන් වත්මන් නීතිපතිවරයාගේ සේවා කාලය තවත් මාස 06කින් දීර්ඝ කළ යුතු බවට ජනාධිපතිවරයා යෝජනා කර තිබුණා.

ඔබේ ප්‍රතිචාරය කුමක්ද ?
+1
4
+1
0
+1
31
+1
0
+1
1
+1
0
+1
4
Subscribe
Notify of
1 Comment
Oldest
Newest Most Voted
Inline Feedbacks
සියලු ප්‍රතිචාර බලන්න !

?