බලංගොඩ පොලිස් වසමේ මහවලතැන්න ප්‍රදේශයේ පදිංචි දැරියකගේ මෘත ශරීරයක් මහවලතැන්න කජුවත්ත ප්‍රදේශයේ ගල්වළක තිබී හමු වී තිබෙනවා.
ඊයේ (24) පෙරවරුවේ මෙලෙස සොයාගෙන ඇත්තේ අවුරුදු 17 ක් වූ බලංගොඩ ප්‍රදේශයේ පදිංචිව සිටි පාසල් සිසුවියක්.
මෙම දැරිය පෙරේදා (23) දින නිවසින් අතුරුදන්ව සිට ඇති බවට ඇගේ පියා විසින් බලංගොඩ පොලිස් ස්ථානයට පැමිණිල්ලක් සිදු කර ඒ සම්බන්ධයෙන් විමර්ශන සිදු කරමින් තිබියදී දැරියගේ මෘත ශරීරය මෙලෙස ගල්වලක තිබී හමු වූ බවයි පොලිසිය පවසන්නේ.
මෙය මනුෂ්‍ය ඝාතනයක්ද, සියදිවි නසා ගැනීම ද නැතහොත් දියේ ගිලී මිය යාමක්ද යන්න සම්බන්ධයෙන් මෙතෙක් තොරතුරු අනාවරණය වී නැහැ.
මෘත දේහය සම්බන්ධයෙන් වන පශ්චාත් මරණ පරීක්ෂණය බලංගොඩ රෝහලේදී අද (25) දින පැවැත්වීමට නියමිතව ඇති අතර, බලංගොඩ පොලිසිය වැඩිදුර විමර්ශන සිදු කරනු ලබනවා.
මේ දැරියට සිදුවුනේ කුමක්ද ? මල් කැකුලු මෙලෙස පරවී යන්න ඉඩ දෙන්න එපා. Give us the latest update