තලංගම පොලිස් වසමේ අකුරේගොඩ ප්රදේශයේ සුපිරි වෙළඳසැලක රථගාලක ඊයේ (13) පස්වරුවේ සිදු වූ වෙඩි තැබීම සම්බන්ධයෙන් විමර්ශනයට පොලිස්පතිතුමාගේ උපදෙස් පරිදි විශේෂ පොලිස් කණ්ඩායම් 10ක් යොදවා ඇති බව පොලිසිය පවසනවා.
මෝටර් රථයක් තුළ සිටි යුවළකට තවත් මෝටර් රථයකින් පැමිණි පුද්ගලයන් දෙදෙනෙකු විසින් වෙඩි තබා ඝාතනය කර පලාගොස් තිබුණා.
මෙම වෙඩි තැබීමෙන් වයස අවුරුදු 44ක පුද්ගලයෙක් සහ අවුරුදු 42ක කාන්තාවක් එම ස්ථානයේ දීම ජීවිතක්ෂයට පත් වූණා.
මෙලෙස ජීවිතක්ෂයට පත්වූ දෙදෙනා අතුරුගිරිය ප්රදේශයේ පදිංචි අඹුසැමි යුවළක් බවටයි පසුව තොරතුරු වාර්තා වුණේ.
වෙඩි තැබීම සඳහා ටී 56 වර්ගයේ ගිනි අවියක් සහ පිස්තෝල අවියක් භාවිත කර ඇති බවටයි දැනට සිදුකරන ලද විමර්ශනවල දී අනාවරණය වී ඇත්තේ.
මෙලස ඝාතනයට ලක්වූ පිරිමි පුද්ගලයා බුද්ධික මල්වාරච්චි නම් නීතීඥවරයෙක් වන අතර, ඔහු සංවිධානාත්මක අපරාධකරුවෙකු වන කරන්දෙණිය සුද්දා නම් අපරාධකරුගේ අධිකරණ කටයුතුවලට පෙනී සිටි අයෙකු බවයි ඒ වනවිට තොරතුරු අනාවරණය වී ඇත්තේ.
මෙම නීතිඥයා සිය සේවාදායකයාගේ තොරතුරු, ලොකු පැටී නැමැති සංවිධානාත්මක අපරාධකරුට ලබාදීම හේතුවෙන් කරන්දෙණියේ සුද්දා විසින්ම මෙම ඝාතනය මෙහෙයවා ඇති බවට විමර්ශන සිදුකරන ආරක්ෂක අංශ සැක පළකරනවා.
මේ අතර මහේස්ත්රාත් පරීක්ෂණයෙන් පසු මෘත ශරීර පශ්චාත් මරණ පරීක්ෂණ සඳහා කොළඹ ජාතික රෝහලේ මෘත ශරීරාගාරය වෙත යොමුකර ඇති බව පොලිසිය වැඩිදුරටත් සඳහන් කළා.
Me anduwa awata passe marana eke seemawak naha
අයි පහුගිය අන්ඩුවලදි ඝාතන අඩුවෙන්ද තිබුනේ.