මාරවිල – මූදුකටුව මුහුදු තීරයේ දිය නෑමට ගිය තරුණයෙකු දියේ ගිලී අතුරුදන්ව තිබෙනවා.
අප වාර්තාකරු සඳහන් කළේ දිය නෑමට ගිය තරුණයින් 4 දෙනෙකු අතරින් අයෙක් මෙලෙස අතුරුදන්ව ඇති බවයි.
අද සවස 5.45ට පමණ මෙම තරුණයන් පිරිස දිය නෑම සඳහා මුහුදට ගොස් තිබුණා.
වයස අවුරුදු 16 සහ 17 වයස්වල පසුවන ඔවුන් නාත්තන්ඩිය -දුන්කන්නාව ප්රදේශයේ පදිංචිකරුවන් බවටයි හඳුනාගෙන ඇත්තේ.
රළ පහරකට හසුවී ගසා ගෙන යමින් සිටි තරුණයින් 3 දෙනෙකු ප්රදේශයේ ධීවරයින් විසින් බේරා ගෙන ප්රතිකාර සඳහා මාරවිල මූලික රෝහලට ඇතුළත් කර තිබෙනවා.
අතුරුදන් වූ තරුණයා සොයා ප්රදේශයේ ධීවරයින් මෙහෙයුමක් ආරම්භ කර ඇති බවයි අප වාර්තාකරු සඳහන් කළේ.
