මේ වනවිට සැඟවී සිටින හිටපු පොලිස්පති දේශබන්දු තෙන්නකෝන්ගේ සේවය අත්හිටුවීම සම්බන්ධව මෙතෙක් නිල වශයෙන් ප්‍රකාශ කළ නොහැකි බව කැබිනට් ප්‍රකාශක අමාත්‍ය නලින්ද ජයතිස්ස සඳහන් කළා.
අද (18) පැවති අමාත්‍ය මණ්ඩල තීරණ දැනුම්දීමේ ප්‍රවෘත්ති සාකච්ඡාවේ දී අමාත්‍යවරයා මේ බව පැවසුවේ.
එහිදී වැඩිදුරටත් අදහස් දක්වමින් අමාත්‍යවරයා පැවසුවේ නීතිය හා සාමය අමාත්‍යාංශය පාර්ශ්වයෙන් මේ සම්බන්ධයෙන් කටයුතු කෙරෙමින් පවතින බවයි.
පොලිස්පති දේශබන්දු තෙන්නකෝන්ගේ වැඩ තහනම් කිරීම සම්බන්ධයෙන් වන ලිපිය අදාළ අමාත්‍යංශය විසින් විනය බලධරියා වන ජනාධිපති ලේකම්වරයා වෙත යොමුකර ඇත්ද යන්න පිළිබඳව මෙහිදී මාධ්‍යවේදී ප්‍රශ්න කර සිටියා.
ඒ සඳහා පිළිතුරු ලබාදෙමින් කැබිනට් ප්‍රකාශකවරයා පැවසුවේ පොලිස් දෙපාර්තමේන්තුව හෝ මහජන ආරක්ෂක අමාත්‍යවරයා ඊට අදාළ නිල ප්‍රකාශයක් සිදුකරනු ඇති බවයි.
ඔබේ ප්‍රතිචාරය කුමක්ද ?
+1
+1
1
+1
3
+1
+1
1
+1
+1
1
