ගංජා මිශ්‍ර බාබුල් හා තුල් රැගෙන පාසලට පැමිණි සිසුන් හයදෙනකු පෙරේදා ( 15 ) උදෑසන සිදුකළ පරීක්ෂාවක දී අසු වූ බව පොල්ගහවෙල පොලිසිය පවසයි . මත්ද්‍රව්‍ය පාසල් වලට රැගෙන එන සිසුන් අල්ලා ගැනීමට පොල්ගහවෙල නගරයේ හා ඒ අවට පාසල් පහක 15 උදෑසන පරික්ෂා කළ බවත් සිසුන් හයදෙනා පැළඳ සිටි පාවහන් ඇතුළේ හා යට ඇඳුම්වල ගංජා මිශ්‍ර බාබුල් හා තූල් තිබී සොයාගත් බවත් පොලිසිය කියයි .
ගංජා මිශ්‍ර බාබුල් හා තුල් පාසලට රැගෙන ආ සිසුන් 10 හා 11 ශ්‍රේණිවල ඉගෙනුම ලබන බවත් එම සිසුන් පොලිසියට රැගෙන ගොස් මත්ද්‍රව්‍ය වල ආදීනව තේරුම්කර දී තරයේ අවවාද කර මුදාහැරිය බවත් පොලිසිය පවසයි .
