ශ්‍රී ලංකා පොලිස් සේවයේ පවතින බරපතල පුරප්පාඩු ගැටලුවට පිළියමක් ලෙස නියමිත සේවා කාලය (වයස අවුරුදු 60) අවසන්ව සිටින පොලිස් නිලධාරීන් සඳහා වසරක සේවා දිගුවල් ලබා දීම සම්බන්ධයෙන් යෝජනා වී ඇති බව මහජන ආරක්ෂක සහ පාර්ලිමේන්තු කටයුතු අමාත්‍ය ආනන්ද විජේපාල පවසනවා.
අමාත්‍යවරයා මේ බව සඳහන් කළේ අද (04) පාර්ලිමේන්තුවේ දී නැගුනු අතුරු ප්‍රශ්නයකට පිළිතුරු ලබා දෙමින්.
එහිදී වැඩිදුරටත් අදහස් දැක්වූ අමාත්‍යවරයා සඳහන් කළේ, සිවිල් ආරක්ෂක දෙපාර්තමේන්තුවේ 10,000ක් පොලිස් සේවයට අනුයුක්ත කර ඇති බවත්, ඒ අතරින් 6000ක පිරිසක් වැඩ භාරගෙන ඇති බවයි.
එමෙන්ම මෙම පුරප්පාඩු සඳහා බඳවා ගැනීම වෙනුවෙන් අඛණ්ඩව සම්මුඛ පරීක්ෂණ ඉදු කරමින් පවතින බවත් අමාත්‍යවරයා සඳහන් කළා.
