කොස්ලන්ද, උඩදියලුම ප්‍රදේශයේ දී පසුගිය දා වන අලියෙකු එල්ල කළ ප්‍රහාරයකින් 23 හැවිරිදි තරුණියක් ජීවිතක්ෂයට පත් වුණා.
ජීවිතක්ෂයට පත් වූ එම තරුණියගේ පෙම්වතා ද එම වන අලි ප්‍රහාරයෙන් බරපතළ තුවාල ලැබුවා.
පසුගිය 11 වනදා මොවුන් දෙදෙනා මෙම වන අලියාගේ ප්‍රහාරයට ලක්ව තිබුණා.
එලෙස තරුණ ජීවිතයක් බිළිගත් වන අලියා මේ දිනවල උඩදියලුම ආසන්නයේ දහවල් කාලයේත් රැදී සිටින අයුරු එහි ගිය සංචාරකයින් පිරිසකට දැකගත හැකිව තිබෙනවා.
වන අලියා එලෙස උඩදියලුම ආසන්නයේ රැඳී සිටින අයුරු එහි ගිය සංචාරකයෙකුගේ ජංගම දුරකථනයේ මෙලෙස සටහන තිබූ අතර, දියලුම ඇල්ල නැරඹීමට යන සංචාරකයින්ට මෙම සත්වයා පිළිබඳව අවදානයෙන් පසුවන ලෙසට දැනුම් දෙනවා.
