බස්රථ තුනක පරම අයිතිය අයිතිකරු වෙත පවරාදීම සඳහා රුපියල් ලක්ෂ දෙකක මුදලක් අල්ලස් ලෙස ලබාගත් මෝටර් රථ ප්රවාහන දෙපාර්තමේන්තුවේ නාරාහේන්පිට කාර්යාලයේ නියෝජ්ය කොමසාරිස්වරයෙක් ඇතුළු තිදෙනෙකු අල්ලස් හෝ දූෂණ විමර්ශන කොමිසන් සභාවේ නිලධාරින් විසින් ඊයේ (04) සවස අත්අඩංගුවට ගෙන අද (05) දින අලුත්කඩේ ප්රධාන මහේස්ත්රාත් අධිකරණයේ ඉදිරියේදී ඉදිරිපත් කර තිබෙනවා.
එලෙස අත්අඩංගුවට ගෙන ඇත්තේ මෝටර් රථ ප්රවාහන දෙපාර්තමේන්තුවේ ලොරි හා බස් රථ පැවරුම් අංශයේ නියෝජ්ය කොමසාරිස් සජිත් වසන්ත වෙල්ගම සහ විෂය ලිපිකරුවකු ලෙස කටයුතු කරනු ලැබූ කරුණාදිපතිලාගේ ජගත් ශාන්තප්රිය යන සංවර්ධන නිලධාරීවරයා සහ පෙර මෝටර් රථ ප්රවාහන දෙපාර්තමේන්තුවේ කම්කරුවෙකු ලෙස සේවය කර අල්ලස් චෝදනා මත වැඩ තහනමට ලක් වී ඉන් අනතුරුව තැරැව්කරුවෙකු ලෙස කටයුතු කළ මුතු තන්ත්රිගේ මර්වින් ජයන්ත ප්රනාන්දු යන තිදෙනා මෙලෙස අධිකරණය වෙත ඉදිරිපත් කරනු ලැබුවා.
මෙම රුපියල් ලක්ෂ දෙකක අල්ලස් මුදල අවස්ථා දෙකකදී එනම් එක් අවස්ථාවකදී රුපියල් 48000කුත් අනෙක් අවස්ථාවේදී රුපියල් 150000 මුදලක් ලබා ගන්නා අවස්ථාවේදී මෙම තිදෙනා අත්අඩංගුවට පත් වී තිබෙනවා.
කරුණු සලකා බැලූ අලුත්කඩේ ප්රධාන මහේස්ත්රාත් අධිකරණයේ අතිරේක මහේස්ත්රාත් හර්ෂණ කැකුනවල මහතා සැකකරුවන් ලබන 8වනදා දක්වා රක්ෂිත බන්ධනාගාර ගත කිරීමට නියෝග කර තිබුණා.
