රජයේ වී මිල දී ගැනීමේ ක්‍රියාවලිය සාර්ථකව සිදුකරමින් පවතින බව කෘෂිකර්ම නියෝජ්‍ය අමාත්‍ය නාමල් කරුණාරත්න පවසනවා.
ඒ, අනුව මේ වනවිට රජය විසින් වී මෙට්‍රික් ටොන් 45,000 කට වැඩි ප්‍රමාණයක් රජයේ ගබඩාවලට මිල දී ගෙන ඇති බවයි නියෝජ්‍ය අමාත්‍යවරයා සඳහන් කළේ.
මේ අතර වී මිලදී ගැනීමේ ක්‍රියාවලිය වේගවත් කිරීම සඳහන් රුපියල් ලක්ෂ 75,000ක මුදලක් පරිපූරක ඇස්තමේන්තුවක් ලෙස
පාර්ලිමේන්තුවට ඉදිරිපත් කර මේ වනවිටත් අනුමත කරගෙන ඇති බවයි ඔහු පැවසුවේ.
ඒ, අනුව අදාලා මෝල් හිමියන්ට එම මුදල් කිසිඳු පොළියකින් තොරව මාස 08ක් ගෙවීමේ කාල පරාසයකට යටත්ව, උපරිමය රුපියල් ලක්ෂ 250ක් වන ලෙස ලබාදීමට තීරණය කර ඇති බවත් නියෝජ්‍ය අමාත්‍යවරයා සඳහන් කර සිටියා.
