මෙවර ටෝකියෝ ඔලිම්පික් හී පිරිමි තුන්ප්‍රයාම තරගයේ ආරම්භක තරගය වන පිහිනීමේ අවස්ථාවේදී අර්බුදයක් ඇතිව වුණා.
මෙහිදී ක්‍රීඩකයන් විසින් පිහිනීමේ තරඟය සඳහා සුදානම් වී සිටි අතර එහිදී ඉදිරිපසින් කැමරා රැගෙන යෑමට නියමිතව තිබූ කළු පැහැති මෝටර් බෝට්ටුවක් නවතා තිබුණා.
සංවිධාකයන් විසින් තරගය ආරම්භ කළ අතර ක්‍රීඩකයන් පිරිසක් පිහිනීම ආරම්භ කළත් තවත් ක්‍රීඩකයන් පිරිසකට ඉදිරිපස නවතා තිබූ බෝට්ටුව නිසා තරගයට සහභාගී වීමට හැකියාව ලැබුණේ නැහැ.
බෝට්ටුවේ සිටි පිරිස විසින් එම යාත්‍රාව වේගයෙන් පසුපසට ගත් අතර ඒ නිසා තරමක නොසන්සුන්තාවයක් ද ඇතිව තිබුණු බව වාර්තා වෙනවා.
එම අවස්ථාවේ බොහෝ ක්‍රීඩකයන් පිරිසක් පිහිනමින් සිටි අතර මෙම බෝට්ටුව කළ ක්‍රියාවෙන් ඔවුනට අනතුරක් සිදුවීමට තිබූ බව බොහෝ දෙනෙක් චෝදනා කර තිබුණා.
බෝට්ටුව නිසා පිහිනීමට නොහැකි වූ ක්‍රීඩකයන් පිරිසට සිදු වූ අසාධාරණය වැළැක්වීම උදෙසා සංවිධායකයන් විසින් තරගය එම අවස්ථාවේදීම නැවත පවත්වන්නට කටයුතු කරන්නේ එම ආරම්භය අසාර්ථක ආරම්භයක් ලෙස සංඥා කරමින්.
නමුත් අනිකුත් ක්‍රීඩකයන් පිරිස ඒ වන විටත් දිගු දුරක් පිහිනා ගොස් තිබුණු අතර එම සංඥාව ක්‍රීඩකයන් ඇසී තිබුණෙත් නැහැ. ක්‍රීඩකයන් පිරිස නැවැත්වීම සඳහා අවසානයේ කුඩා යාත්‍රා දෙකක් යොදාගැනීමටයි සිදුවී තිබුණේ.
පසුව තරගය නැවත ආරම්භ කළ අතර තරගයේ ජයග්‍රහණය හිමි කරගැනීමට නොර්වේ නියෝජනය කරමින් පැමිණි ක්‍රිස්ටියන් බ්ලුමන්ෆෙල්ට් සමත් වුණා.
මෝටර් බෝට්ටුව නිසා සිදුවෙන්න ගිය අනතුරේ වීඩියෝව පහතින්,
