ඉන්දීය ප්‍රිමියර් ලීග් තරගාවලියේ 19වන තරගය රාජස්තාන් රෝයල්ස් සහ රෝයල් චැලෙන්ජර්ස් බෙන්ගලුරු යන කණ්ඩායම් අතර මේ වන විට පැවැත්වෙනවා.
එහිදී ශතකයක් වාර්තා කිරීමට බෙන්ගලුරු කණ්ඩායමේ විරාට් කෝලි සමත් වුණා.
ඔහුට එම ශතකය රැස් කිරීම සදහා පන්දු 67 ක් වැය වූ අතර එයට හයේ පහර 04ක් සහ හතරේ පහර 09ක් අන්තර්ගත වුණා.
මෙම තරගයේ කාසියේ වාසිය දිනු රාජස්ථාන් කණ්ඩායම තීරණය කළේ පළමුව පන්දු රැකීමටයි.
ඒ අනුව පිටියට පිවිසි බෙන්ගලුරු කණ්ඩායම නියමිත පන්දුවාර 20 අවසානයේ කඩුළු 03ක් දැවී ලකුණු 183ක් ලබා ගත්තා.
එහිදී විරාට් කෝලි නොදැවී ලකුණු 113ක් පන්දු 72කින් රැස්කල අතර එය මෙවර තරගාවලියේදී වාර්තා වූ පළමු ශතකයද වනවා .
එමෙන්ම එය විරාට් කෝලි ලබා ගත් 09වන විස්සයි විස්ස ශතකයයි.
පන්දු යැවීමේදී යුස්වේන්ද්‍ර චහල් ලකුණු 34කට කඩුළු 02ක් දවාගත්තා.
ඒ අනුව රාජස්ථාන් කණ්ඩායමට මෙම තරගය ජය ගැනීම සදහා හිමි වූ ඉලක්කය ලකුණු 184ක්.
