ශ්රී ලංකාවට පැමිණ සිටින ජාත්යන්තර මූල්ය අරමුදලේ නියෝජිතයන් ජනාධිපති රනිල් වික්රමසිංහ මහතා හමුවී සාකච්ඡා කර තිබෙනවා.
මෙම නියෝජිත කණ්ඩායම ජනාධිපතිවරයා සමග වත්මන් ආර්ථික තත්ත්වය සහ ඉදිරි ක්රියාමාර්ග සම්බන්ධයෙන් සාකච්ඡා කර ඇතැයි සඳහන්.
ජාත්යන්තර මූල්ය අරමුදලේ නියෝජිත කණ්ඩායමේ ප්රධානියා ලෙසට ශ්රී ලංකාව හා ආසියා පැසිෆික් දෙපාර්තමේන්තුවේ ජ්යෙෂ්ඨ දූත මණ්ඩල ප්රධානී පීටර් ආබෲ මහතා කටයුතු කරනවා.
ඔවුන් ජනාධිපතිවරයා සමග සිදු කළ සාකච්ඡාවට මුදල් රාජ්ය අමාත්ය ශෙහාන් සේමසිංහ, මහ බැංකු අධිපති නන්දලාල් වීරසිංහ මෙන්ම මුදල් අමාත්යංශ ලේකම් මහින්ද සිරිවර්ධන ඇතුලු පිරිසක් එක්වුණා.
මේ අතර මෙම නියෝජිත පිරිසගේ සංචාරයට හෙට දිනයේදී ජාත්යන්තර මූල්ය අරමුදලේ ආසියානු පැසිෆික් කලාප අධ්යක්ෂ ක්රිෂ්ණා ශ්රීනිවාසන් ද එක්වීමට නියමිතයි.
ජාත්යන්තර මූල්ය අරමුදලේ විස්තීරණ ණය පහසුකම සම්බන්ධ පළමු ඇගයීම ලබන සැප්තැම්බර් මාසයේ සිදු කිරීමට නියමිත අතර ඒ වෙනුවෙන් ජුනි මාසයේ දත්ත පදනම් කර ගැනෙනු ඇති.
ශ්රී ලංකාවට ඩොලර් බිලියන 29ක ණය පහසුකම ජාත්යන්තර මූල්ය අරමුදල විසින් අනුමත කරනු ලැබුවේ පසුගිය මාර්තු මාසයේදීයි.
එක් එක් අධියර සඳහා පසු විපරම් ක්රියාවලියකින් අනතුරුව වාරික 4කින් සමන්විත එම ණය මුදල ලබාදෙනු ලබනවා.
