නවසීලන්ත ‘A’ ක්රිකට් කණ්ඩායම තරගාවලි සංචාරයක් සඳහා අද (03) අලුයම දිවයිනට පැමිණියා.
සිංගප්පූරුවේ සිට පැමිණි සිංගප්පූරු ගුවන් සේවයේ එස්.කිව් – 468 දරණ ගුවන් යානයෙන් මෙම කණ්ඩායම කටුනායක ගුවන් තොටුපොළ වෙත පැමිණි බවයි ගුවන්තොටුපොළ ‘දසත නිව්ස්’ වාර්තාකරු සඳහන් කළේ.
කටුනායක ගුවන් තොටුපොළ වෙත පැමිණි නවසීලන්ත ‘A’ කණ්ඩායම පිළිගැනීම සදහා ශ්රී ලංකා ක්රිකට් ආයතනයේ නිලධාරීන් පිරිසක් ද ගුවන් තොටුපොළ වෙත පැමිණ සිටියා.
නවසීලන්ත ‘A’ කණ්ඩායම ශ්රී ලංකා ‘A’ කණ්ඩායම සමඟ එක්දින තරග තුනක් සහ සිව්දින තරග දෙකකට සහභාගීවීමට නියමිතයි.
ඒ, අනුව පළමු එක්දින තරගය ලබන 05 වනදා ගාල්ලේ දී පැවැත්වීමට නියමිත අතර, දෙවන සහ තුන්වන එක්දින තරග ලබන 08 සහ 11 වනදා හම්බන්තොට සූරියවැව ක්රීඩාංගණයේ දී පැවැත්වීමටයි සැලසුම් කර ඇත්තේ.
සිව්දින තරගාවලියේ පළමු තරගය සූරියවැව ක්රීඩාංගණයේ දී අප්රේල් 16 වනදා දින සිට 19 වනදා දක්වා පැවැත්වීමට නියමිත අතර, දෙවන සිව්දින තරගය අප්රේල් 23 වනදා සිට 26 වනදා දක්වා එම ක්රීඩාංගණයේදීම පැවැත්වීමට නියමිතයි.
