2026 අයි.පී.එල් තරගාවලියේ කොල්කටා නයිට් රයිඩර්ස් කණ්ඩායම සමඟ ඊයේ (02) රාත්‍රියේ පැවති තරගයෙන් ලකුණු 65ක ජයක් වාර්තා කිරීමට සන්රයිසර්ස් හයිද්‍රාබාද් කණ්ඩායම සමත් වුණා.
සන්රයිසර්ස් කණ්ඩායම හමුවේ ලැබූ පරාජයත් සමඟ මෙවර තරගාවලියේ අඛණ්ඩව ලැබූ දෙවන පරාජය අත්විඳගන්නට කොල්කටා කණ්ඩායමට සිදු වුණා.
මේ අතර මෙම තරගයෙන් අනතුරුව සන්රයිසර්ස් කණ්ඩායමේ ආරම්භක පිතිකරු අභිෂේක් ශර්මාට දඩ මුදලක් පැනවීමට තරඟ තීරකවරයා කටයුතු කර තිබෙනවා.
ඊට අමතරව ඔහුගේ විනය වාර්තාවට අසාදු ලකුණක් ද එක් කිරීමටයි කටයුතු කර ඇත්තේ.
ඊයේ පැවති තරගය අතර තුර අයි.පී.එල් චර්යාධර්ම සංග්‍රහය උල්ලංඝනය කිරීම සම්බන්ධයෙන් අභිෂේක් ශර්මාට එරෙහිව මෙලෙස තරග ගාස්තුවෙන් 25%ක දඩ මුදලක් පනවා අසාදු ලකුණක් එක් කිරීමට කටයුතු කර ඇති බවයි වාර්තා වුණේ.
අයි.පී.එල් චර්යාධර්ම සංග්‍රහයේ 2.3 වගන්තිය (තරඟයක් අතරතුර අසභ්‍ය වචන භාවිතා කිරීම) යටතේ පළමු මට්ටමේ වරදක් ඔහු සිදුකර ඇති අතර, අභිෂේක් ශර්මා එම වරද පිළිගෙන තිබෙනවා.
ඒ, අනුවයි තරග තීරකවරයා විසින් මෙම දඬුවම් නියමකර ඇත්තේ.
