හලාවත, අඹකදවිල ප්රදේශයේ සංචාරක හෝටලයක රැදී සිටි විදේශීය ජාතිකයින් 150 දෙනෙකු අපරාධ පරීක්ෂණ දෙපාර්තමේන්තුවේ පරිගණක ඒකකයේ නිලධාරීන් විසින් අත්අඩංගුවට ගෙන තිබෙනවා.
ඊයේ (02) රාත්රියේ අත්අඩංගුවට ගැනුණු මෙම විදෙස් ජාතිකයින් අතර චීන ජාතික පිරිමි 129ක්, කාන්තාවන් 06ක්, වියට්නාම ජාතික පිරිමි 10ක්, කාන්තාවන් 03ක්, තායිවාන් ජාතික කාන්තාවක් සහ මැලේසියාණු ජාතිකයෙන් සිටින බවයි වාර්තා වුණේ.
මොවුන් සන්තකයේ තිබී පරිගණක 99ක්, ලැප්ටොප් 26ක්, ජංගම දුරකථන 259ක් ද වැටලීම සිදුකළ නිලධාරීන් සිය භාරයට ගෙන තිබෙනවා.
මෙම විදෙස් ජාතිකයින් මීට මාසයකට පමණ පෙර හලාවත, අඹකදවිල ප්රදේශයේ පිහිටි අදාළ සංචාරක හෝටලයට පැමිණ ඇති බවයි අනාවරණය වී ඇත්තේ.
ඔවුන් සම්බන්ධයෙන් පොලිස් බුද්ධි අංශ විසින් තොරතුරු අනාවරණය කර ගැනීමෙන් අනතුරුව අපරාධ පරීක්ෂණ දෙපාර්තමේන්තුවේ පරිගණක ඒකකයේ නිලධාරීන් විසින් මෙම වැටලීම සිදුකර තිබෙනවා.
මෙම පිරිස හෝටලයේ රැදී සිටිමින් පරිගණක අපරාධ සිදු කරන්නට ඇති බවට සැකපළ කරනවා.
අත්අඩංගුවට ගැනුණු විදෙස් ජාතිකයින් පිරිස හෝටලය තුළ රදවාගෙන ප්රශ්ණ කිරීම් ආරම්භ කර ඇති බවයි වාර්තා වුණේ.
