ත්‍රිපිටකය සහ බුද්ධ චරිතය විකෘතියට පත් කරමින් සිදු කරනු ලබන දේශණවලින් වළකින ලෙසට පිටිදූවේ සිරිධම්ම හිමිට අති පූජ්‍ය මල්වතු පාර්ශවයේ මහනායක තිබ්බටුවාවේ ශ්‍රී සුමංගල නාහිමියන් ඇතුලු කාරක සංඝ සභාවේ ස්වාමීන් වහන්සේලා විසින් අවවාද කර තිබෙනවා.
පිටිදූවේ සිරිධම්ම හිමි මල්වතු මහා විහාරයට කැඳවා මෙලෙස උපදෙස් ලබාදී ඇතැයි සඳහන්.
මල්වතු පාර්ශවයේ මහා ලේඛකාධිකාරී අතිපූජ්‍ය පහමුණේ ශ්‍රී සුමංගල හිමියන් අද මාධ්‍ය වෙත අදහස් දක්වමින් සඳහන් කළේ අදාළ හිමිනම එම අවවාද පිළිගත් බවයි.
ඉදිරියේදී තම දේශනා බෞද්ධාගමට අනුව සිදු කරන බවට පිටිදූවේ සිරිධම්ම හිමි පොරොන්දු වූ බව පහමුණේ ශ්‍රී සුමංගල නාහිමියන් ප්‍රකාශ කළා.
කාරක සංඝ සභාව ලබාදුන් උපදෙස් හා නියමයන් උල්ලංඝණය වන බවට හැගී යන ඕනෑම අවස්ථාවක තමා සම්බන්ධයෙන් ගනු ලබන ඕනෑම තීරණයකට එකග වන බව ද එම හිමියන් සඳහන් කර තිබෙනවා.
ඔබේ ප්‍රතිචාරය කුමක්ද ?
+1
8
+1
4
+1
37
+1
2
+1
4
+1
4
+1
6
wpDiscuz
