මෙම ජූලි මාසයේ මුල් දින 20 තුළ සංචාරකයින් 90,000 කට ආසන්න පිරිසක් ශ්‍රී ලංකාවට පැමිණ ඇතැයි තොරතුරු අනාවරණ වී තිබෙනවා.
ශ්‍රී ලංකා සංචාරක සංවර්ධන අධිකාරිය විසින් නිකුත් කරන ලද නවතම දත්තවලට අනුව ජූලි මාසයේ මේ දක්වා මෙරටට පැමිණ ඇති සංචාරකයින් සංඛ්‍යාව 89,724ක්.
ජුලි මාසයේ දී ඉන්දියානු ජාතිකයින් 15,330ක් පැමිණ ඇති අතර වැඩිම පිරිසක් පැමිණ ඇත්තේ ඉන්දියාවේ සිට බවයි වාර්තා වන්නේ.
මේ අතර, සංචාරක සංවර්ධන අධිකාරිය සඳහන් කළේ මෙම මාසයේ ගතවූ කාලය තුළ එක්සත් රාජධානියෙන් සංචාරකයන් 10,184ක් පැමිණ ඇති බවයි.
මේ මාසයේ චීනයෙන් පැමිණෙන සංචාරකයන්ගේ සැලකිය යුතු වැඩි වීමක් ද දක්නට ලැබෙනවා.
ශ්‍රී ලංකා වරාය අධිකාරියේ වාර්තා අනුව මේ මාසයේ චීන ජාතිකයින් 5,963 දෙනෙකු ශ්‍රී ලංකාවට පැමිණ තිබෙනවා.
ජර්මනියෙන් පුද්ගලයින් 5,141ක් සහ රුසියාවෙන් සංචාරකයින් 4,561ක් ද මේ මාසයේ ශ්‍රී ලංකාවට පැමිණ ඇතැයි සඳහන්.
ජූනි මාසයේදී සංචාරකයින් 100,388ක් පැමිණි බවයි සංචාරක සංවර්ධන අධිකාරිය සඳහන් කළේ.
ඒ අනුව වසරේ මේ දක්වා මෙරටට පැමිණ ඇති සමස්ත සංචාරකයින් සංඛ්‍යාව 714,598ක්.
