ශ්‍රී ලංකාව වැනි රටවලට යුරෝපා සංගම් වෙළෙඳපොළ වෙත ප්‍රවේශ වීමට ඉඩ සලසන වත්මන් GSP+ යෝජනා ක්‍රමය 2027 දෙසැම්බර් 31 දක්වා වසර 4කින් දීර්ඝ කිරීමට යුරෝපා කොමිසම යෝජනා කර තිබෙනවා.
නව GSP+ සහනය සම්බන්ධයෙන් යුරෝපා සංගමයේ නීති සම්පාදකයින් අතර පවතින සාකච්ඡාවල ප්‍රතිඵලයක් ලෙස මෙම කාලය දීර්ඝ කර ඇති බවයි ශ්‍රී ලංකාවට පැමිණි යුරෝපා සංගමයේ නියෝජිත පිරිස ප්‍රකාශ කර ඇත්තේ.
අදාළ තීරුබදු සහනය මෙම වසරේ දෙසැම්බර් 31 වනදායින් අවසන් වීමටයි නියමිතව තිබුණේ.
යුරෝපා සංගමයේ මෙම පියවර ශ්‍රී ලංකාව වැනි රටවලට ඔවුන්ගේ ප්‍රවේශය අහිමි නොවන බවට සහතිකයක් ද වනවා.
තීරුබදු පහසුකම දීර්ඝ කිරීම තුළින් ජාත්‍යන්තර සම්මුතීන් 27ක් යටතේ එම බැඳීම් ඇතිව යුරෝපා සංගම් වෙළෙඳපොළ වෙත ශ්‍රී ලංකාවට අඛණ්ඩව ප්‍රවේශය ලබා දෙන බවයි යුරෝපා සංගමයේ ශ්‍රී ලංකා නියෝජිත පිරිස වැඩිදුරටත් සඳහන් කළේ.
යුරෝපා සංගමයේ ශ්‍රී ලංකාවට පැමිණි නියෝජිත පිරිස වැඩිදුරටත් කියා සිටියේ, ශ්‍රී ලංකාව සඳහා, GSP+ දීර්ඝ කිරීමේ යෝජනාවෙන් අදහස් කරන්නේ, දැනට පවතින කිසිවක් වෙනස් නොවන බවයි.
