ගෑස් මිල අඩු කිරිමේ වාසිය හෝටල් හා බේකරි හිමියන් පාරිභෝගිකයන්ට ලබා නොදෙන අවස්ථාවේ හැටන් නගරයේ කෙටි කැම අලෙවි කරන පදික වෙළඳසැල් හිමියෙකු ඔහු අලෙවි කරන කෙටි කෑම වර්ගවල මිල රුපියල් පහකින් (05) අඩු කිරීමට පියවර ගෙන තිබෙනවා.
ගෑස් මිල අඩුවුව ද එහි වාසිය ප්‍රදේශයේ පාරිභෝගිකයන්ට ලබා නොදී විවිධ ප්‍රකාශ සිදු කරන නගරයේ හෝටල් හා බේකරි හිමියන්ට ආදර්ශයක් ලබා දෙමින් මෙම පදික වෙළඳසැල් හිමියා විසින් සිදු කරන ලද කාර්ය අගය කල යුතු බවයි ප්‍රදේශයේ බොහෝ පිරිසක් පවසන්නේ.
මෙම පුද්ගලයා හැටන් ජුම්මා මුස්ලිම් පල්ලිය අසල කරත්තයක කෙටි කෑම වර්ග අලෙවි කරන අතර ඔහු විසින් අලෙවි කරනු ලබන සියලුම කෙටි අහාර වර්ගවල මිල රුපියල් පහකින් අඩු කර අලෙවි කිරීමට පියවර ගෙන තිබෙනවා.
