හම්බන්තොට සංචාරක, කර්මාන්ත, වෙළඳ, සහ වරාය ආර්ථිකයක් ලෙස දියුණු කරන බව ජනාධිපති රනිල් වික්රමසිංහ මහතා පවසනවා.
ජනාධිපතිවරයා මේ බව සඳහන් කර සිටියේ හම්බන්තොට බස්නැවතුම්පොළ ඉදිරිපිට ක්රීඩාංගණයේ දී ඊයේ (29) පස්වරුවේ පැවති “පුළුවන් ශ්රී ලංකා” විජයග්රාහී ජන රැලියට එක් වෙමින්.
ජනතාවගේ ආදායම වැඩි කරමින් ඔවුන්ට සහන දීම තමන්ගේ අරමුණ බවත්, අනෙකුත් ජනාධිපති අපේක්ෂකයන් සහ තමා අතර ඇති වෙනස එය බවත් ජනාධිපති ප්රකාශ කළා.
වැඩිදුරටත් අදහස් දැක්වූ ජනාධිපතිවරයා ප්රකාශ කර සිටියේ අසීරුවෙන් ගොඩනගා ගත් රට නිවැරදි ලෙස කළමනාකරණය කළ යුතු බවයි.
එළඹෙන ජනාධිපතිවරණය සඳහා රනිල් වික්රමසිංහ මහතාගේ ජයග්රහණය තහවුරු කිරීම වෙනුවෙන් සංවිධානය කර තිබූ මෙම ජන රැලියට විශාල ජනතාවක් එක්ව සිටියා.
ජනපතිවරයාට සහාය දැක්වීම සඳහා මෙම ජන රැලියට කෘෂිකර්ම අමාත්ය මහින්ද අමරවීර, නියෝජ්ය කතානායක අජිත් රාජපක්ෂ , හිටපු අමාත්ය රාජිත සේනාරත්න, හිටපු අමාත්ය මනූෂ නානායක්කාර ඇතුළු මැතිඇමතිවරුන් රැසක් එක්ව සිටි බවයි වාර්තා වන්නේ.
