සුබ මොහොතින් විවෘත කිරීමට තිබූ පාවහන් අලෙවි සැලක් ගිනි ගනී

ගාල්ලේ හපුගල කඩකාමරයක අද (08) උදෑසන ගින්නක් ඇති වූ බව පෝද්දල පොලිසිය සඳහන් කරනවා.

මෙලෙස ගිනිගෙන ඇත්තේ අද විවෘත කිරීමට නියමිතව තිබූ පාවහන් අළෙවි සැළක්.

ගින්න ඇතිවූයේ විදුලි කාන්දුවකින් බවටයි සැකපල කරන්නේ.

ප්‍රදේශවාසීන් එක්ව ගින්න නිවා දමා ඇතත් එම පාවහන් ආළෙවි සැළට දැඩි අලාභහානි සිදුව තිබෙනවා.

කඩකාමරයට ඉහළින් නිවසක් පිහිටා ඇති අතර එම නිවසට ද ගින්නෙන් අලාභ සිදුව ඇති බවයි පොලිසිය සඳහන් කළේ.

ගාල්ල මහ නගර සභාවේ ගිනි නිවන ඒකකයේ රථයක් ද මෙම ස්ථානයට පැමිණ තිබිණි.