විස්සයි විස්ස ලෝක කුසලාන ක්රිකට් තරගාවලියේ සුපිරි 12 වටයේ ශ්රී ලංකාව අද සහභාගී වූ පළමු තරගයෙන් සුපිරි ජයක් වාර්තා කිරීමට සමත් වුණා .
ඒ, අයර්ලන්ත කණ්ඩායම කඩුලු 09කින් පරාජය කරමින්.
මෙම තරගයේ කාසිය වාසිය දිනා පළමුව පන්දුවට පහරදුන් අයර්ලන්ත කණ්ඩායම නියමිත පන්දුවාර 20 තුළ කඩුලු 08ක් දැවී ලකුණු 128ක් රැස් කළා.
එහිදී හැරී ටෙක්ටර් අයර්ලන්තය වෙනුවෙන් ලකුණු 45ක් ලබාගත් අතර, ආරම්භක පිතිකරු පෝල් ස්ටර්ලින් ලකුණු 34ක් රැස් කිරිමර සමත් වුණා.
පන්දු යැවීමේදී වනිඳු හසරංග සහ මහීෂ් තීක්ෂණ කඩුලු දෙක බැගින් දවා ගැනීමට සමත් වුණා.
පිළිතුරු ඉනිම ක්රීඩා කළ ශ්රී ලංකා පිත්කරුවන් එක් කඩුල්ලක් පමණක් දැවී පන්දුවාර 15ක් තුළ එම ඉලක්කය පසුකර ගියා.
එහිදී සුපිරි ඉනිමක් දියත් කළ කුසල් මෙන්ඩිස් නොදැවී ලකුණු 68ක් ලබා ගත් අතර, පන්දු 43ක් තුළ ගොඩනැඟුණු ඔහුගේ ඉනිමට හයේ පහර 03ක් සහ හතරේ පහර 05ක් ඇතුළත්.
ඔහුට අනඟි සහයක් ලබාදුන් ධනංජය ද සිල්වා සහ චරිත් අසලංක ලකුණු 31ක බැගින් රැස් කළා.
තරගයේ වීරයා ලෙස කුසල් මෙන්ඩිස් සම්මාන දිනා ගත් අතර, මෙම ජයත් සමඟ ශ්රී ලංකාව තරගාවලියට එක්වන කාණ්ඩයේ ප්රසාද ලකුණු සටහනේ දෙවන ස්ථානය දක්වා ඉහළට පැමිණීම විශේෂත්වයක්.
එහි පළමු තැන නවසීලන්තය පසුවනවා.
