පසුගිය 15 වනදා නිමා වූ අපොස සාමාන්ය පෙළ විභාගයේ භූගෝල විද්යා ප්රශ්න පත්රයේ කොටසක් සිසුන් පිරිසකට ලබා නොදුන් සිද්ධියක් සම්බන්ධයෙන් විභාග දෙපාර්තමේන්තුව විසින් පරීක්ෂණයක් ආරම්භ කර තිබෙනවා.
මිනුවන්ගොඩ අල් අමීන් මුස්ලිම් විද්යාලයේ පිහිටුවා තිබූ විභාග මධ්යස්ථානයේ විභාගයට පෙනී සිටි සිසුන් පිරිසකට භූගෝල විද්යා පළමු ප්රශ්න පත්රය මෙලෙස ලබානොදී ඇති බවයි වාර්තා වන්නේ.
මේ හේතුවෙන් දෙමළ මාධ්යයෙන් විභාගයට පෙනී සිටි සිසුන් පිරිසක් දැඩි අපහසුතාවයට හා අසාධාරණයට පත්ව ඇති බවයි දැනගන්නට ලැබුනේ.
මේ අතර මෙවර සාමාන්ය පෙළ විභාගයේ දී තවත් ගැටළුකාරී සිද්ධීන් කිහිපයක් වාර්තා වුණා.
මෙවර විභාගයේ ඉංග්රීසි ප්රශ්න පත්රය, ඉංග්රීසි ප්රශ්න පත්රයට පිළිතුරු ලබාදීමට තිබූ කාලසීමාව තුළ වැට්ස්ඇප් මාධ්ය ඔස්සේ සංසරණය වීම සහ විද්යාව ප්රශ්න පත්රයේ බහුවරණ ප්රශ්න දෙකක් සම්බන්ධයෙන් ඇති වූ ගැටළුව ඒ අතර වනවා.
