සා.පෙළ මුල් විශිෂ්ඨයින් දස දෙනාගෙන් නවයක්ම ශිෂ්‍යාවන් – පළමු තැන ගාල්ලට

2023 වර්ෂයේ අධ්‍යන පොදු සහතික පත්‍ර සාමාන්‍ය පෙළ විභාගයේ ප්‍රතිඵල ඊයේ (28) රාත්‍රියේ විභාග දෙපාර්තමේන්තුව විසින් නිකුත් කළා.

එම විභාග ප්‍රතිඵලවලට අනුව 75.72%ක් උසස් පෙළ සඳහා සුදුසුකම් ලබා ඇති බවයි විභාග කොමසාරිස් ජනරාල් අමිත් ජයසුන්දර පැවසුවේ.

එමෙන්ම 2.21%ක ප්‍රමාණයකට කිසිඳු විෂයක් හෝ සමත්වීමට නොහැකි ඇති බව සඳහන් කළ විභාග කොමසාරිස් ජනරාල්වරයා 13,309 දෙනෙකු A සාමාර්ථ නවය බැගින් ලබාගෙන ඇති බවයි සඳහන් කළේ.

2023 සාමාන්‍ය පෙළ විභාගයේ ප්‍රතිඵල අනුව පළමු ස්ථානය ගාල්ල සංඝමිත්තා බාලිකා විද්‍යාලයේ හිරුනි මල්ෂා කුමාරතුංග ශිෂ්‍යාව විසින් හිමිකරගෙන තිබෙනවා.

දෙවන ස්ථානය කොළඹ මියුසියස් විද්‍යාලයේ කුලුනි මෙත්සලා ශිෂ්‍යාව හිමිකරගෙන ඇති අතර, තුන්වන ස්ථානය හිමිකරගෙන ඇත්තේ කුරුණෑගල මලියදේව විදුහලේ විමන්සා ජයනදී ශිෂ්‍යාවයි.

මේ අතර මෙවර ප්‍රතිඵල අනුව පළමු ස්ථාන දහයෙන් ස්ථාන නවයක්ම ශිෂ්‍යාවන විසින් හ්ම්කරගෙන තිබීම ද විශේෂත්වයක්.

විභාග ප්‍රතිඵල නැවත සමීක්ෂණය සඳහා ඔක්තෝබර් 01 වනදා සිට 14 දක්වා අයදුම් කළ හැකි බව විභාග කොමසාරිස් ජනරාල්වරයා වැඩිදුරටත් සඳහන් කර සිටියා.