ශ්‍රී ලංකාව ණය ආපසු ගෙවීම සම්බන්ධයෙන් හොඳ වාර්තාවක් තබා ඇතැයි චීන තානාපති චී ෂෙන්හොන් මහතා පවසයි.
වැඩිදුරටත් පවසා සිටියේ, ශ්‍රී ලංකාව විසින් අමෙරිකානු ඩොලර් බිලියන 01ක මූල්‍ය පහසුකමක් සහ අමෙරිකානු ඩොලර් බිලියන 1.5ක ණය ආධාර මුදලක් ලබාදෙන ලෙස චීනයෙන් කළ ඉල්ලීම පිළිබඳ මේ වනවිට සලකා බලමින් සිටින බවය.
අද (21) මාධ්‍ය හමුවක් පවත්වමින් ඔහු මේ බව සඳහන් කළේය.
වැඩිදුරටත් අදහස් දැක්වු ඒ මහතා,
“ශ්‍රී ලංකාවේ ජාත්‍යන්තර සහ අභ්‍යන්තර තත්ත්වයන් කෙසේ වෙනස් වුවද චීනය ලංකාවට සලකන්නේ ළඟම මිත්‍රයෙක් ලෙසයි. කොවිඩ් වසංගතය ආරම්භ වූ සමයේ සිට ලංකාව මුහුණ දුන් අර්බුදවලට විසඳුම් ලෙස මේ දක්වා. චීනය විසින් අමෙරිකානු ඩොලර් බිලියන 2.5ක මුල්‍ය පහසුකම් සපයා තිබෙනවා. ණය ආපසු ගෙවීම සම්බන්ධයෙන් ශ්‍රී ලංකාව මේ දක්වා හොඳ වාර්තාවක් තබා ඇති බවත් අපි කියන්න ඕන.
ඒ වගේම මෑතකදී ශ්‍රී ලංකාව චීනයෙන් ඉල්ලීමක් කරලා තියෙනවා. අමෙරිකානු ඩොලර් බිලියන 01ක මුල්‍ය පහසුකමක් සහ අමෙරිකානු ඩොලර් බිලියන 1.5ක ණය ආධාරයක් සම්පූර්ණ මුදල අමෙරිකානු ඩොලර් බිලියන 2.5ක් චීන බලධාරීන් මෙය ලබාදීම සම්බන්ධයෙන් මේ වනවිට සලකා බලමින් සිටිනවා.”
